Vetëm pesë minuta… dhe mund ta bëni partneren të lumtur. Mësoni mënyrat

Ke pesë minuta kohë për ta bërë të lumtur partneren? Me siguri ke edhe më shumë, por është një eksperiment i mirëmenduar që tregon se edhe përpjekjet e vogla mund të sjellin një ndryshim të madh në marrëdhënien tuaj. Kjo, për shembull, është një zgjatje graduale e kohës, sepse shumë ekspertë thonë që mjaftojnë edhe 60 sekonda në ditë për ta bërë jetën më të mirë. Le të tregojmë tani se si pesë minuta mund ta bëjnë partneren të lumtur, sa kohë ti me të vërtetë je i angazhuar në realizimin e këtij qëllimi.

Kur të shkosh në shtëpi, pyete gruan “Me çfarë të ndihmoj?”  Pastaj, për të paktën pesë minuta, bëj atë që të kërkon ajo. Shumë burra pyesin dhe bëjnë gjysmën e punës. Puna mund të jetë “pastro tavolinën” dhe ata ngrenë vetëm disa pjata. Ose “ndërro bebin” dhe ata e lënë kutinë e pecetave të lagura dhe kremin pa mbyllur dhe ndonjë qese bosh ambalazhi të pelenave diku në shesh. Vetëm pesë minuta mjaftojnë për shumë punë, ose për të lehtësuar dikë. E fundit fare, për pesë minuta gruaja do të shohë duke bërë një punë dhe jo duke qëndruar ulur në divan pa bërë asgjë, që gratë e urrejnë dhe kjo do e bëjë menjëherë të lumtur dhe më pak të stresuar.

Përmendi partneres çfarë vlerëson ti tek ato që bën ajo. Për plot pesë minuta, foli për ato që bën e dashura dhe të bëjnë të lumtur, të ndihesh i vlerësuar dhe mirënjohës. Pesë minuta është kohë e gjatë për të folur pa pushim. Ajo do kënaqet dhe mund të të shohë si të ka parë në fillim të historisë suaj. Ose një variant pak më i lodhur.

Dërgoji një email për t’i thënë sa shumë e do. Jo filozofi, jo projekte, thjesht një letër dashurie. Gratë i kanë qejf këto. Shumica. Nëse e bën dhe nuk ia ndikon shumë lumturinë, herën tjetër bëj këtë ...

Futu në një sajt blerjesh dhe shpenzo pesë minuta për të blerë një palë vathë diamanti.

Po bënim shaka, vetëm nëse ke marrë ndonjë bonus të majmë. Nuk kërkon shumë kohë, por nëse nuk ke marrë asnjë bonus këto kohë, bli për vete një bluzë kushtuar asaj.

Kur do të shkosh në shtrat me të, shikoje në sy dhe thuaji sa shumë e dëshiron dhe sa seksi është. Përdor epitete për çdo vogëlsi. Për pesë minuta.  Është një kohë shumë e gjatë për shumicën e burrave sepse, e zakonshmja është “je shumë e mirë”, ose asnjë fjalë, ca puthje dhe direkt në thelb. Pesë minuta për t’i thënë sa e dëshiron dhe përse i meriton këto pesë minuta që i kanë munguar prej ca kohësh.

(Kosova Sot Online)