Lexoni edhe:
Strategjia që duhet ndjekur për të qenë në formë
9 ushqime për flokë dhe thonj të shëndoshë
Ushqimet e pasura me biotinë janë ushqimet me të shëndetshme për flokët dhe thonjtë tuaj. Këto ushqime janë të pasura edhe me proteina dhe yndyrë të shëndetshme. Andaj, pa marrë parasysh se a jeni vegjetariane apo jo, në listën e mëposhtme ju do të keni mundësi të gjeni ushqime të përshtatshme për ju dhe për shëndetin e flokëve dhe thonjve tuaj, transmeton gazeta Kosova Sot Online.
1. Peshku salmon
Ky ushqim i detit është shumë i pasur me biotinë, omega 3 dhe me proteina. Të gjithë këta përbërës kontribuojnë në krijimin e kolagjenit në trup, i cili stimulon rritjen e thonjve dhe flokëve të shëndetshëm.
2. Bajamet
Përveçqë janë të pasura me biotinë, bajamet përmbajnë sasi të madhe të Vitaminës E, e cila bën që lëkura juaj të jetë më e shëndoshë. Bajamet gjithashtu janë një burim shumë i rëndësishëm i yndyrave të shëndetshme, të cilat përmirësojnë shëndetin e lëkurës, flokëve dhe më së shumti atë të thonjve tuaj.
3. Tuna
Njerëzit zakonisht mundohen t’i ikin përdorimit të tunës, për shkak të sasisë së merkurit që përmban, mirëpo nëse përgatitet me kujdes, nuk ka arsye të mos përdoret ky ushqim i mrekullueshëm i detit. Mundohuni të mos i shmangeni konsumimit të tunës, të paktën dy herë në muaj, pasi që përmban sasi të madhe të biotinës, proteinave dhe Vitaminës B12, të cilat janë esenciale për mirëqenien e thonjve dhe flokëve tuaj.
4. Vezët
Vezët janë të mbushura me lëndë ushqyese, të cilat ju sjellin dobi thonjve dhe flokëve tuaj. Në mesin e përbërësve të vezës janë biotina, zinku, Vitamina E dhe Vitamina B12, për rëndësinë e të cilëve treguam më herët.
5. Jogurti
Sasia e madhe e proteinave dhe e biotinës, të cilat mund të gjenden në jogurt, e bëjnë atë të jetë njëri ndër ushqimet më të rëndësishme për shëndetin e flokëve dhe të thonjve. Mundohuni të gjeni jogurt grek, pasi që ai është më natyral dhe rrjedhimisht më i shëndetshëm, në krahasim me llojet e tjera të jogurtit.
6. Mishi i pulës
Mishi i pulës është shumë i pasur me biotinë dhe Vitaminë B3, të cilat kanë një ndikim shumë të madh në rritjen e shëndetshme të thonjve dhe flokëve. Mishi organik është opsioni më i mirë.
7. Spinaqi
Nëse jeni vegjetariane, atëherë nuk keni pse të brengoseni, pasi që spinaqi është njëri ndër ushqimet më të rëndësishme për shëndetin e flokëve dhe të thonjve. Përveç biotinës dhe proteinave, spinaqi është shumë i pasur edhe me Vitaminë E dhe Vitaminë B.
Strategjia që duhet ndjekur për të qenë në formë
Lexoni edhe:
8. Arrat
Arra është një tjetër ushqim i mrekullueshëm, kur është puna për shëndetin e flokëve dhe të thonjve. Përveç sasisë së madhe të biotinës, e cila mund të gjendet në arra, ato janë shumë të pasura me acide yndyrore omega 3.
9. Halibuti
Halibuti është një lloj peshku i bardhë, i cili sikurse salmoni është shumë i pasur me omega 2, biotinë, magnez dhe Vitaminë B12. E vetmja e metë e këtij peshku të mrekullueshëm është çmimi i tij i lartë!
(Kosova Sot Online)
