5 arsye pse nuk keni thonj të shëndoshë

  • 16 maj 2019 - 08:17
5 arsye pse nuk keni thonj të shëndoshë

Nëse jeni në mesin e femrave, të cilat mundohen të kujdesen për thonjtë e tyre, mirëpo kurrsesi nuk arrini të keni thonj të shëndetshëm, atëherë shikoni arsyet e mëposhtme, pasi që ndonjëra prej tyre mund të jetë shkaktarja kryesore, që thonjtë tuaj nuk janë duke u rritur në mënyrë të duhur

1. Problemet shëndetësore

Ndonëse mund të tingëllojë e çuditshme, thonjtë janë të lidhur me shumë sëmundje të ndryshme. Nëse keni probleme me rritjen e thonjve, bëni mirë nëse kontrolloheni nëse keni probleme me zemrën, veshkën apo mushkëritë, pasi që problemet me këto organe reflektojnë në mirëqenien e thonjve.

2. Mungesa e lëndëve ushqyese

Mungesa e lëndëve ushqyese në dietën tuaj ka një rol shumë të madh në shëndetin e dobët të thonjve. Thonjtë e brishtë mund të jenë shenjë që dieta juaj është e varfër me hekur, zink dhe proteina. Ushqimet si drithërat, brokoli dhe mishi janë burim i lëndëve ushqyese.

3. Kujdesi i gabuar

Çelësi kryesor për thonj të shëndoshë është të siguroheni që ata janë të trashë dhe të fortë, kjo nënkupton shmangien e thonjve artificialë. Andaj, në vend se të përdorni thonj artificialë, kini pak durim dhe prisni derisa ata të rriten.

4. Kemikalet e produkteve

Llaku i thonjve përmban një numër të madh të kemikaleve, të cilat mund të dëmtojnë thonjtë tuaj. Megjithatë, ato nuk janë shumë të dëmshme për thonjtë tuaj, sa janë produktet e ndryshme, të cilat përdoren për pastrim të shtëpisë.

5. Kafshimi i thonjve

Kafshimi i thonjve është një shprehi shumë e keqe, e cila vjen si pasojë e mërzisë. Shumica e baktereve qëndrojnë në pjesën e poshtme të thonjve, andaj edhe kafshimi i tyre është shumë i dëmshëm, si për shëndetin e thonjve, ashtu edhe për shëndetin e gojës suaj.

(Kosova Sot Online)