Gjëja e parë që shihni tregon se çfarë po kërkoni në jetë

  • 19 shtator 2019 - 18:39
Gjëja e parë që shihni tregon se çfarë po kërkoni në jetë

Sytë janë mjete të mrekullueshme që na ndihmojnë të vëzhgojmë botën përreth nesh dhe të zbulojmë se çfarë do të donim të kishim në jetën tonë. Perceptimi i asaj që ne shohim shpesh ndikohet nga idetë, mendimet dhe besimet tona, nga ato që na rrethojnë dhe gjithashtu nga përvojat tona të mëparshme.

Testi që ne po propozojmë sot do të na ndihmojë, të vëzhgojmë dhe kuptojmë më mirë atë që duam. Shikoni imazhin e propozuar për disa momente. Cila është gjëja e parë që keni identifikuar? Më pas lexoni profilin përkatës për të zbuluar se çfarë po kërkoni në jetë.

Qeni

Nëse gjëja e parë që keni parë në foto është qen, aftësia juaj për të kuptuar detajet është më e lartë se mesatarja. Qeni përfaqëson besnikërinë, relaksimin dhe paqen, dhe këto janë cilësitë dhe ndjesitë që ju i kërkoni gjithashtu tek një partner jetësor.

Dikush që është në gjendje t’ju kuptojë dhe mbështesë, me të cilin të mund të ndani paqen e brendshme të fituar me kalimin e viteve  dhe me të cilin mund të ndani një shtëpi të ngrohtë dhe mikpritëse. Një person që është i aftë të respektojë kufijtë tuaj duke ju lënë hapësirën e nevojshme për të cilën keni nevojë, të besueshëm dhe të sinqertë, që edhe kur nuk janë dakord me ju, dëgjojnë mendimet tuaja me respekt.

Respekti, në fakt, është një përparësi për ju. Ata që shohin qenin të parin kërkojnë sinqeritet, spontanitet, pasi gjestet e vogla kanë një rëndësi të madhe. Ata duan miq të qetë, të aftë të jenë pranë në të mirë dhe në të keq. Në fund të fundit, qetësia, paqja, respekti, ndarja e kënaqësive të vogla dhe të thjeshta, është ajo që ju po kërkoni tek njerëzit përreth jush dhe tek ata që dëshironi të takoni. 

Fytyra

Nëse ajo që ju tërheq vëmendjen në shikim të parë ishte fytyra, do të thotë që mendja juaj është e përqendruar në pamjen e madhe të jetës. Njihni qëllimet tuaja, ku po shkoni dhe çfarë dëshironi të arrini në të ardhmen e afërt. Ju jeni një person jashtëzakonisht i paprekur, i besueshëm, ju angazhoheni në gjithçka që bëni dhe gjithmonë përpiqeni të jepni më të mirën tuaj, të përmirësoheni.

Është e vërtetë që ju mund të bëni më të mirën në ato punë që kërkojnë inteligjencën dhe kreativitetin tuaj, ndërsa detyrat më të thjeshta dhe më themelore shpesh ju shqetësojnë. Për të qëndruar aktiv dhe entuziast, duhet të plotësoni role interesante dhe stimuluese. Ndërsa keni ide të qarta për atë që dëshironi, brenda vetes ndjeni se mund të keni diçka ekstra. Po, ka diçka që ju mungon, pafundësisht e çmuar dhe domethënëse.

Një shtëpi e bukur, një makinë e bukur, një punë e mirë, sigurisht që janë arritje të rëndësishme, por ato nuk janë gjithçka dhe nuk përfaqësojnë gjithçka edhe për të dashurit tuaj. Njerëzit gjithmonë kanë nevojë për diçka më shumë, ato janë diçka tjetër nga ato që hanë apo veshin.

Zemra juaj e di se çfarë i mungon dhe butësia e madhe është një mënyrë për të shprehur më mirë nevojat, emocionet dhe ndjenjat. Ndaluni për një moment, merrni kohë për të reflektuar vetëm me veten tuaj. Dëgjoni zemrën tuaj dhe nevojat e saj më të thella. Ndjeshmëria, dhe butësia nuk janë sinonim i dobësisë. Por janë ato që ju mungojnë, për të qenë vërtet të lumtur. Filloni t’i shprehni ato më shumë dhe t’i kërkoni në ato që doni!

(Kosova Sot Online)