Asnjëherë mos ndaloni së qeni një person i mirë për njerëzit rreth jush

  • 21 tetor 2019 - 12:20
Asnjëherë mos ndaloni së qeni një person i mirë për njerëzit rreth jush

Nuk është e nevojshme të hakmerreni, njerëzit e këqij shkatërrojnë veten e tyre. Ndjenja e dhimbjes që krijohet pas një zhgënjimi është shumë e keqe dhe mund të shkaktojë konfuzion. Por ju, gjithmonë qëndroni të mirë dhe të drejtë, sepse kjo është ajo që ju bën një person unik dhe fantastik.

Mos lejoni që të tjerët të ndikojnë në disponimin tuaj të mirë, në vendimet tuaja dhe rrjedhimisht në jetën tuaj. Vazhdoni të jeni një person i mirë edhe nëse të tjerët nuk ju trajtojnë mirë, sepse, në fund të fundit, mirësia që është e padukshme për sytë i jep shumë vlerë zemrës suaj.

Nuk është e nevojshme të urresh, edhe nëse je ndjerë i pakënaqur, i mërzitur, i zhgënjyer, përpiquni t’i kapërceni të gjitha këto, në mënyrë që të mos helmoni zemrën tuaj. Kjo nuk duhet të bëjë që ju të ndryshoni edhe nëse shpesh e kuptoni se mënyra juaj e të qenurit nuk konsiderohet dhe shlyhet në mënyrën e duhur.

Kontrolloni zemrën tuaj, padyshim që reagimi i parë është zemërimi, por përpiquni të falni ata që ju lëndojnë. Kjo do t’ju ndihmojë të jeni të durueshëm edhe në momentet më të vështira, sepse do të jetë më e lehtë të qëndroni të qetë. Vetëm kështu nuk do të urreni dhe pendoheni dhe atëherë mund ta kontrolloni zemrën tuaj që të jeni të durueshëm dhe të mos zemëroheni.

Në fund të fundit, nuk ka kuptim t’i përgjigjemi të keqes me të keqe, duke ndjerë ndjenja të këqija, ne do të merrnim vetëm reagime të rënda. Duke reaguar në këtë mënyrë, ne nuk do të bënim asgjë, por do të ndjeheshim më keq për veten. Duke iu nënshtruar zemërimit, ne do të merrnim vetëm errësirë në zemrat tona.

(Kosova Sot Online)