Humbni 25 centimetra nga mesi për 10 ditë
Ushtrimet në vijim në mënyrë serioze do të merren me mangësitë në trupin tuaj. I bëni ato pesë deri në gjashtë herë në javë në kombinim me kardio-ushtrime, në mënyrë që për dhjetë ditë t'i humbni deri në 25 centimetra në pjesët më kritike të trupit, veçanërisht në mes.
GODITJA ME KËMBË NË DREJTIM TË PASMË
Qëndroni në pozitën për qëndrim (A). Njëkohësisht e ngrini dorën e majtë anash, ndërsa këmbën e djathtë në drejtim të epërm (B). Kthehuni në pozitën fillestare. I bëni nga 20 përsëritje të alternuara.
GODITJA ANASH NGA POZITA E GJUNJËZUAR Uluni në gjunjë, me shuplakën e majtë mbështetuni në dysheme dhe tërë peshën e kaloni në anën e majtë. Dorën e djathtë e shtrini përgjatë trupit(A). I ngrini ijët në drejtim të epërm dhe njëkohësisht e ngrini këmbën e djathtë anash (B). Kthehuni në pozitën fillestare. I bëni nga 10 përsëritje me secilën këmbë. Ky ushtrim është i shkëlqyeshëm për pjesën e epërme të shpinës, krahë dhe prapanicë. Këshillë: Gjatë këtij ushtrimi shikoni në drejtim të dyshemesë, sepse në atë mënyrë qafa do të jetë në pozitë neutrale.
NGRITJA E KËMBËS NGA POZITA E SHTRIRË Shtrihuni në bark me duar të lakuara afër trupit. Këmbën e djathtë e lakoni në kënd prej 20 shkallësh, ndërsa të majtën e shtrini prapa (A). I drejtoni bërrylat, e lakoni këmbën e majtë, në mënyrë që të mbështeteni në gju, duke e ngritur njëkohësisht këmbën e djathtë dhe duke e shtyrë prapa. Kthehuni në pozitën fillestare. I bëni nga 10 përsëritje në secilën anë. Ushtrimi ndikon direkt në krahë, shpinë, gjoks, muskuj të barkut dhe muskuj të prapanicës.
LËSHIMI I KËMBËS ANASH Lëshohuni në gjunjë dhe me grushtin e djathtë dhe bërrylin e majtë mbështetuni në dysheme. Këmbën e djathtë e ngrini në kënd prej 20 shkallësh (A). Nga kjo pozitë e lëshoni këmbën anash (B) dhe sërish e ktheni lartë. Kjo përbën një përsëritje. I bëni nga 20 në secilën anë. Ushtrimi ndikon në shpinë, gjoks, duar, muskujt anësorë të barkut, muskujt e prapanicës dhe pjesët e brendshme të kofshëve. Vendosuni në pozitën fillestare si në fotografinë A. Dorën e djathtë e vendosni mbi të majtën, ndërsa gjunjët i largoni në mënyrë që gishtërinjtë të jenë në drejtim të jashtëm. Shtrëngojeni barkun, ngrini këmbën e djathtë dhe e shtyni në drejtim të pasmë në mënyrë diagonale në raport me trupin (B). Kthehuni në pozitën fillestare. I bëni nga 15 përsëritje me secilën këmbë. ky ushtrim ndikon në krahë, gjoks, prapanicë dhe në pjesën e brendshme të kofshëve.
(Kosova Sot Online)
