SOT (17 shkurt 2020), ora 13:00, ndarja e çmimeve për letërsi
SOT (17 shkurt 2020), për nder të 12-vjetorit të Pavarësisë së Republikës së Kosovës, Ministria e Kulturës, Rinisë dhe Sportit do të organizojë ceremoninë e ndarjes së çmimeve për letërsi për vepër jetësore dhe çmimet tjera vjetore për vitin 2019.
Ceremonia do të mbahet në kabinetin e ministres Vlora Dumoshi, ora 13:00.
Juria profesionale e cila ka bërë vlerësimin ka vendosur që çmimet t’u ndahen si vijon:
Çmimi Kombëtar Letrar për vepër jetësore “Azem Shkreli” t’i jepet znj. Sabile Keçmezi – Basha;
Çmimi për veprën më të mirë në prozë “Anton Pashku” t’iu jepet z. Rrahman Paçarizi për veprën “Shtatë udhë” dhe znj. Albina Idrizi për veprën “Përsëri mars”;
Çmimi për veprën më të mirë në poezi “Ali Podrimja” t’iu jepet z. Xhevdet Bajraj për vëllimin “Kur qajnë hardhitë” dhe z. Nexhat Rexha për vëllimin “Duke kërkuar hijen tënde”;
Çmimi për veprën më të mirë në kritikë letrare dhe eseistikë “Ibrahim Rugova” t’i jepet z. Berat Daka (Armagedoni) për studimin “Dramat e Qosjes”;
Çmimi për veprën më të mirë të përkthyer në gjuhën shqipe dhe anasjelltas “Pjetër Bogdani” t’i jepet z. Isa Memishi për përkthimin e romanit“Guaska” të Mustafa Halifas; dhe
Çmimi për veprën më të mirë për fëmijë e të rinj “Vehbi Kikaj” t’i jepet z. Januz Fetahaj për veprën “Libri i përrallave të gjyshit”.
Ftohen mediat të përcjellin ndarjen e çmimeve për letrësi në Ministrinë e Kulturës, Rinisë dhe Sportit!
Po ashtu më poshtë gjeni edhe tërë agjendën për aktivitetet tjera kulturore që do të organizohen për nder të përvjetorit të Pavarësisë së Republikës së Kosovës.
Përvjetori i 12-të i Pavarësisë së Republikës së Kosovës.
Nr |
Data |
Aktiviteti |
Institucioni |
Vendi |
Koha |
1 |
17.02.2020 |
Ekspozita “Kosova në arkivin e shtetit shqiptar” |
Agjencia Shtetërore e Arkivave të Kosovës dhe Drejtoria e Përgjithshmë e Arkivave të Shqipërisë |
Lapidariumi i Muzeut Kombëtar të Kosovës |
11:00 |
2 |
17.02.2020 |
Ndarja e Çmimeve të letërsisë për vitin 2019 |
MKRS |
Kabineti i Ministrit |
13:00 |
3 |
17.02.2020 |
Shfaqja “Ngjyrat e vallëzimit” |
Baleti Kombëtar i Kosovës |
TKK |
17:00 |
4 |
18.02.2020 |
Shfaqja “Bryma e vdekjes” |
Teatri Kombëtar i Kosovës |
Teatri Kombëtar i Kosovës |
20:00 |
5 |
17-19.02.2020 |
Java e filmit shqiptar në Prishtinë |
Kosovafilmi |
Kino ABC |
19:00 |
6 |
17.02.2020 |
Koncert festiv |
Ansambli i Këngëve dhe Valleve “Shota” |
Teatri Kombëtar i Kosovës |
20:00 |
7 |
17.02.2020 |
Ekspopzita arkeologjike “Kosova dhe Adriatiku” |
Muzeu Kombëtar i Kosovës |
Muzeu Kombëtar i Kosovës |
12:00 |
(Kosova Sot Online)