Jep dorëheqje sekretari britanik i Mbrojtjes - pas akuzave për sjellje të pahijshme
Sekretari i Mbrojtjes i Britanisë, Sir Michael Fallon, ka dhënë dorëheqje nga posti i tij, pas akuzave për sjelljet e tij në të kaluarën.
Ai ka thënë se sjelljet e tij mund të kenë qenë nën standardet e pritshme nga ushtria britanike, dhe se është e drejtë që Parlamenti tani po e merr me seriozitet këtë çështje.
BBC ka marrë vesh se vendimi i tij nuk është i lidhur me akuza të reja apo specifike.
Kryeministrja britanike, Theresa May, ka thënë se e vlerëson "seriozitetin" me të cilin Sir Michael e ka analizuar rolin e tij.
May ka thënë se e çmon po ashtu shembullin që ai ka dhënë për ushtarakët britanikë dhe të tjerët.
Ajo ka pranuar dorëheqjen e tij, dhe e ka lavdëruar karrierën e tij "të gjatë dhe mbresëlënëse" prej ministri - pasi ka shërbyer si ministër në katër qeveri të ndryshme.
Dorëheqja e Sir Michael vjen një ditë pasi një zëdhënës i tij ka konfirmuar se ai njëherë është qortuar nga një gazetare, Julia Hartley-Brewer, pasi ka vënë dorën e tij në gjurin e saj gjatë një darke më 2002.
Zëdhënësi ka thënë se Sir Michael i ka kërkuar falje gazetares menjëherë pas incidentit.
(Kosova Sot)