Aksident në Pejë, vdes një person
Një aksident trafiku me pasoja fatale është raportuar të këtë ndodhur pasditen e sotme në Nabergjan të Pejës.
“Mundem vetëm ta konfirmoj se një person ka ndërruar jetë. Kjo ka ndodhur pasi vetura ka goditur atë, teksa ishte duke e vozitur një biçikletë", ka thënë për mediat elektronike, Xhevat Ibraj, zëdhënës në Policinë e Kosovës, në rajonin e Pejës.
"Në vendin e ngjarjes ka dalë Policia e Kosovës. Detajet e tjera për këtë rast do të bëhen publike nesër”, ka treguar Ibraj.
(Kosova Sot)
