EMRAT/ Aksident i rëndë me dy të vdekur në Tiranë, përplasje fatale e makinave

  • 09 November 2017 - 17:43
EMRAT/ Aksident i rëndë me dy të vdekur në Tiranë, përplasje fatale e makinave

Dy persona kanë humbur jetën pas një aksidenti tragjik të ndodhur gjatë orëve të para të mëngjesit në Tiranë.

Burime nga policia rrugore bëjnë me dije për Abc News se ngjarja ka ndodhur rreth orës 23 e 25 minuta të mbrëmjes së të mërkurës tek “kthesa e Arbanës” në aksin rrugor Vaqarr –Ndroq.

Mësohet se sipasojë e përplasjes ballore të dy mjeteve tip “Toyota” dhe “Benz” kanë humbur jetën dy drejtuesit e mjeteve ndërsa kanë mbetur të plagosur dy shtetas të tjerë.

Viktimat janë Athanas Xhavara 45 vjeç nga Gjirokastra dhe Edison Sefa 22 vjeç nga Tirana. Burimet policore bëjnë me dije se 45-vjeçari Xhavara drejtonte makinën tip Toyota me targa AA 757 DZ kurse 22-vjeçari nga Tirana ishte drejtuesi i mjetit tip Benz me targa Tr 1432 U.

Paraprakisht mësohet se shkak i aksidentit është bërë lagështira në rrugë dhe shpejtësia tej normave të lejuara.

Ndërkohë vijojnë hetimet për të përcaktuar shkakun determinant.

(Kosova Sot)