10 vjetori i Pavarësisë, nis dekorimi i qytetit të Mitrovicës
Në qytetin e Mitrovicës ka nisur dekorimi për 10 vjetorin e Pavarësisë.
Të premten pasdite me vendim të Këshillit Organizativ për Dhjetëvjetorin e Pavarësisë u vendos ikona e parë #Kosova10 në qendër të qytetit në afersi të shtatores së heroit kombëtar, Isa Boletini.
Kjo ikonë është rreth 8 metra e gjatë ndërsa është rreth 1.5 metra e lartë dhe përfaqëson hashtagun zyrtar të 10 vjetorit të Pavarësisë.
Ikona të tilla janë vendosur edhe në sheshet kryesore të 10 komunave të tjera.
Komuna e Mitrovicës poashtu ka stolisur qytetin me flamuj të shtetit të Kosovës.
E gjithë festa do të shoqërohet me aktivitete të shumta të organizuara nga Drejtoria për Kulturë,Rini dhe Sport por manifestime të ndryshme do të këtë edhe nga shkollat e komunës.
(Kosova Sot)