Vdes Milazim Vitia, ish-deputet i 2 Korrikut - Lajme - Kosova Sot
Vdes Milazim Vitia, ish-deputet i 2 Korrikut

Vdes Milazim Vitia, ish-deputet i 2 Korrikut

Politikani shqiptar dhe ish-deputeti i Deklaratës së 2 Korrikut, Milazim Vitia, ka ndërruar sot jetë në moshën 60 vjeçare, pas një sëmundjeje që kishte.

Ai ishte delegat i Kuvendit të Kosovës të Deklaratës së 2 Korrikut dhe shpalljes së Kushtetutës së Kaçanikut 1990.

ka lindur më 25 maj 1958 në Viti të Marecit. Deri para çlirimit të Kosovës ai qëndroi në Gjermani si i përndjekur politik. Gjatë qëndrimit në Gjermani ai është marrë me aktivitete kombëtare. Pas kthimit në Kosovë ushtroi afarizëm privat.

Pas vetes ka lënë bashkëshorten, dy djem dhe një vajzë.

Varrimi i të ndjerit do të bëhet nesër në varrezat e qytetit të Prishtinës, Arbëri, në ora 12:00.

 

(Kosova Sot)

20 orë e 22 minuta më parë
13/12/18