Prokuroria ngre aktakuzë, pas vjedhjes së 2000 eurove nga qanta e zyrtares së Komunës në Pejë

Prokuroria Themelore e Pejës, Departamenti i Përgjithshëm, ka ngritur aktakuzë kundër A.B., për veprën penale “Vjedhje “, nga neni 325, paragrafi 1, të Kodit Penal të Republikës së Kosovës.

Sipas aktakuzës, i pandehuri A.B., më datën 13 nëntor  të vitit 2018, rreth orës 10:30, në objektin e Kuvendit Komunal të Pejës, pasi sigurohet se e zyrtarja/e dëmtuara L.P. nuk gjendet në zyre, i njëjti futet brenda dhe nga çanta e saj, nxjerrë kuletën dhe merr shumën prej 2000(dymijë) euro, ku më pas largohet nga vendi i ngjarjes.

Komunikata e dërguar për media nga Prokuroria Themelore e Pejës thotë se me këto veprime ekziston dyshimi i bazuar mirë se i pandehuri ka përmbushur elementet e veprës penale të përshkruar si me lartë.

Prokurori i çështjes me rastin e ngritjes se aktakuzës, i ka propozuar Gjykatës që i pandehuri të shpallet fajtor dhe të dënohen sipas ligjit për veprën penale e cila i vihet në barrë.

(Kosova Sot)