“Gardianët dhe Lufta për të Vërtetën” - Khashoggi dhe disa gazetarë janë Personat e Vitit nga TIME
Revista TIME ka zgjedhur një grup gazetarësh “Gardianët dhe Lufta për të Vërtetën”, si Personi i Vitit.
Ky grup përfshin Jamal Khashoggi-n, një kolumnist i Washington Post i cili u vra në konsulaltën e Arabisë Saudite në Stamboll në vjeshtën e këtij viti.
Po ashtu, këtë epitet e morën edhe reporterët Wa Lone dhe Kyaw Soe Oo, dy gazetarë të Reuters-it të cilët ishin arrestuar vitin e kaluar në Myanmar, ku po punonin në tregimin mbi vdekjen e myslimanëve Rohingya, një minoritet në shtetin Rakhine të Myanmar-it, transmeton Klan Kosova.
TIME po ashtu e përfshiu edhe Maria Ressa-n, shefe ekzekutive e Rappler, një ueb-faqeje lajmesh në Filipine. Ajo ishte dënuar muajin e kaluar për shmangie taksash – një rast që avokuesit e fjalës së lirë dhe lirive qytetare e kanë konsideruar si pjesë të një mase të gjerë ndaj kritikuesve të administratës së presidentit Rodrigo Duarte.
Ndërkaq grupin e përmbyll një gazetë nga Maryland-i i SHBA-së, Capital Gazette, e cila këtë verë i kishte humbur pesë punëtorë gjatë të shtënave masive.
(Kosova Sot)