Ymeri fton nga Kuvendi LDK’në e Vetëvendosjen t’i bashkohen ekipit të dialogut
Deputeti i Partisë Socialdemokrate, Visar Ymeri, ka shpalosur rezolutën e kësaj partie për dialogun me Serbinë në seancën që ka nisur pas 7 orësh vonesë.
Ai i ka ftuar LDK’në dhe Vetëvendosjen që të bëhen pjesë e ekipit negociues, duke treguar se rezoluta e tyre ia rezervon dy vende këtyre dy partive.
“Nuk janë kundërshtime opozitare. Nuk mund ta kuptojë pse kundërshton të bëhet pjesë e organit të vetëm ku opozita ka rol vendimmarrës”, ka thënë Ymeri.
Deputeti i PSD’së tregoi se sipas kësaj rezolute, të cilën po e përkrah koalicioni qeverisës, bashkëkryesues të dialogut do të jenë Fatmir Limaj e Shpend Ahmeti.
Ndërsa pjesën e dialogut do të jenë Enver Hoxhaj i PDK’së, Dardan Gashi, Behgjet Pacolli, Avni Arifi i AAK’së, Mahir Jagcilar një përfaqësues i shoqërisë civile, dhe dy vendet për LDK’në dhe VV’në.
(Kosova Sot)