Merret vendimi, ja me sa vite burg dënohet Ramadan Muja

  • 19 December 2018 - 15:44
Merret vendimi, ja me sa vite burg dënohet Ramadan Muja

Ish-kryetari i Komunës së Prizrenit, Ramadan Muja, është dënuar me 1 vjet burgim unik me kusht, pasi është gjetur fajtor për veprën penale “keqpërdorim i pozitës zyrtare”.

Muja është gjetur fajtor në dy pika të dispozitivit, e nga dy të tjera është liruar nga akuza.

Fajtor janë shpallur edhe të akuzuarit e tjerë, Minir Krasniqi, Avni Ademaj e Sadik Paqarizi, që të gjithë dënime me kusht.

Ademaj 5 muaj, Paqarizi 6 muaj dhe Krasniqi me 6 muaj me kusht.

Asnjëri nga të akuzuarit nuk kanë qenë në sallë në shpalljen e vendimit të trupit gjykues, e gjithashtu ka munguar edhe prokurori i Prokurorisë Speciale.

(Kosova Sot)