Kurzi i kërkon Trumpit angazhim më të madh për Kosovën, “Austria mbështet edhe shkëmbimin e territoreve”
Kancelari austriak, Sebastian Kurz, ka zhvilluar një takim zyrtar me presidentin amerikan, Donald Trump në Washington.
Temë kyçe e takimit kanë qenë marrëdhëniet e tensionuara SHBA-BE, ndërsa, siç shkruan agjencia austriake e lajmeve APA, Trumpi beson se tek Kurzi ka gjetur personin e ri kontaktues me Bashkimin Evropian.
Shkurtimisht, në takimin Trump-Kurz u bisedua edhe për dialogun Kosovë-Serbi, ku Austria dëshiron përfshirje më të madhe të Washingtonit.
“Në Kosovë, SHBA-ja ka pozicion të fuqishëm që mund ta shfrytëzojnë pozitivisht”, tha kancelari austriak.
Austria, tha ai, e sheh dialogun mes presidentëve Thaçi e Vuçiq si shumë pozitiv dhe do të “mbështes edhe shkëmbimin e territorit”, edhe nëse kjo çështje është “e ndjeshme”.
“Nëse të dyja vendet pajtohen për diçka, ne evropianët nuk duhet t’u dalim në rrugë e aq më pak amerikanët”, potencoi Kurz.
(Kosova Sot)
