Russiagate, a është Trump tërësisht i pastër?

Figura e presidentit Donald Trump vazhdon të shihet me dyshim, pavarësisht përfundimeve të këtij raporti. Demokratët në Kongresin amerikan kanë kërkuar akses të plotë në raport dhe kanë paralajmëruar se do të vijojnë hetimet e tyre ndaj kreut të shtetit.

Hetuesi i posaçëm Robert Mueller nuk identifikoi ndonjë shtetas amerikan, anëtar të fushatës së Trump, që të ketë komplotuar në bashkëpunim me Rusinë në dëm të Shteteve të Bashkuara.

Por në aspektin tjetër, nëse Trump kishte penguar drejtësinë, raporti i ish-shefit të FBI’së nuk e shfajëson presidentin.

Kjo ka nxitur opozitën që të kërkojë akses të plotë në raportin e Mueller, i cili iu prezantua Kongresit nga prokurori i përgjithshëm Uilliam Berr, i emëruar nga Trump.

Kryetarja e grupit parlamentar demokrat Nensy Pelosi dhe lideri i demokratëve në Senat, Chuck Schumer, thanë në një konferencë të përbashkët për shtyp se deklarata e Trump, se ai ishte shfajësuar plotësisht, nuk ka besueshmëri.

Ndërkohë, mbi figurën e Trump po kryhen një seri hetimesh të tjera, mes të cilave ajo nga prokuroria e Nju Jorkut për shkelje të ligjeve elektorale dhe për shkelje me anë të bizneseve të tij. Paralelisht, edhe Kongresi po vijon paralelisht hetimet e tij, sidomos në Dhomën e Përfaqësuesve të kontrolluar nga demokratët.

(Kosova Sot)