Policia jep detaje për aksidentin në Vranjevc

Një aksident ku kanë mbetur dy të lënduar ka ndodhur në lagjen “Kodra e Trimave”, në Prishtinë.

Zëdhënësja e Policisë Rajonale të Prishtinës, Flora Ahmeti, ka thënë për media, se  aksidenti ka ndodhur mes dy veturave, ndërsa dy persona janë dërguar në QKUK.

“Rreth orës 19:00 kemi pranuar informatën  se ka ndodhur një  aksident trafiku ne rrugën ,,Fahri Fazliu” në lagjen Kodra e Trimave në Prishtinë. Ne këtë aksident ku kanë qenë të përfshira dy vetura, lëndime trupore kane pësuar dy persona. Personat e lënduar janë dërguar për tretman mjekësor, ndërkohë qe me rast po merret  njësiti i trafikut”, ka thënë Ahmeti.

Media më herët publikoi pamjet nga aksidenti mes veturave të tipit Mercedes dhe BMW.

(Kosova Sot)