Zbulohet varri masiv me mbi 1.000 viktima nga Lufta e Dytë Botërore

Ushtarët specialë që zbuluan eshtrat në një varr masiv të Luftës së Dytë Botërore në Bjellorusi, kanë zbuluar një skelet femëror që mban gjurmët e një fëmije.

Gërmimi zbulon skeletet e më shumë se 1.000 hebrenjve nga vendi i ndërtimit në Brest, i cili u pushtua nga Gjermania naziste në vitet 1940.

Vendi i masakrës naziste – zbuluar në një zonë të vjetër geto në fillim të këtij viti – u gjet pasi filloi ndërtimi i një banese elitare.

Pothuajse gjysma e 50,000 njerëzve në qytetin e Evropës Lindore ishin çifutë, përpara fillimit të Luftës së Dytë Botërore, por pak pas pushtimit gjerman në qershor 1941, u dhanë urdhra për t’i zhdukur ata.

Pas urdhrit, mijëra prej tyre u çuan në trena dhe u dërguan në një pyll në të cilin do të vriteshin më pas.

Në tetor të vitit 1942 regjistri i qytetit i mbajtur nga nazistët thoshte se 17.893 hebrenj jetojnë në Brest – një ditë më pas, shifra ishte fshirë.

 

Komuniteti hebre në Brest tani po këmbëngul që vendi i varrit të bëhet një memorial zyrtar i Holokaustit.

Varre masive janë gjetur në Brest edhe në vitin 1950 – kur rreth 600 viktima u varrosën në varrezat e Trishinskoe, ndërsa në vitin 1970, 300 viktima u ri-varrosën në varrezat Proska.

(Kosova Sot)