Ukraina ndalon të gjitha fluturimet drejt Rusisë

  • 03 prill 2019 - 15:37
Ukraina ndalon të gjitha fluturimet drejt Rusisë

Qeveria ukrainase ka ndaluar fluturimet e paplanifikuara drejt Rusisë, pas një vizite në Moskë që kanë realizuar dy politikanë opozitarë.

Ky veprim është inicuar nga ministri i Brendshëm ukrainas, Arsen Avakov, i cili ka thënë më 3 prill se kandidati presidencial, Yuriy Boiko dhe kryetari i partisë opozitare, Platforma Opozitare, Viktor Medvedchuk kanë shfrytëzuar një “hapësirë në legjislacionin e Ukrainës” kur janë nisur drejt Moskës muajin e kaluar.

Avakov ka thënë se ndalimi nuk do të aplikohet për fluturimet e organizatave ndërkombëtare, siç është Organizata për Siguri dhe Bashkëpunim në Evropë, Kombet e Bashkuara apo Kryqi i Kuq.

Kryeministri ukrainas, Volodymyr Hroysman ka thënë “se këto kufizime do të zbatohen derisa Rusia të mos jetë më shtet agresor dhe të kthehet në një shtet të civilizuar”.

Prokurori i Përgjithshëm i Ukrainës, Yuriy Lutsenko ka thënë se do të nisë hetime kundër dy politikanëve opozitarë për “kalim të paligjshëm kufitar”.

Fluturimet direkte në mes të të dyja shteteve janë ndaluar në tetor të vitit 2015, pas vendimit të Mokës për të aneksuar Gadishullin e Krimesë nga Ukraina më 2014, si dhe për mbështetjen u ofron separatistëve në konfiktin që zhvillohet në lindje të Ukrainës.

(Kosova Sot)