Daut Haradinaj tregon çfarë raporte kanë Ramush Haradinaj e Kadri Veseli

Deputeti i Aleancës për Ardhmërinë e Kosovës, Daut Haradinaj ka treguar se si qëndrojnë raportet mes kryeministrit Ramush Haradinaj e kryeparlamentarit Kadri Veseli.

Haradinaj ka thënë se raportet e tyre janë korrekte, pavarësisht qëndrimeve të kundërta për taksën 100 % ndaj produkteve serbe e boshnjake.

“Raportet mes Ramush Haradinaj e Kadri Veselit janë korrekte. Në parim jemi ok, ndonëse mund të ketë përjashtime në raste të caktuara të mospajtimit. Në asnjë variant nuk është taksa problem në bashkëqeverisje”, ka thënë Haradinaj.

Kohëve të fundit ishte raportuar se raportet mes Haradinajt e Veselit kishin qenë të tensionuara për shkak të qëndrimeve të ndryshme për taksën.

Ai ka treguar edhe kur duhet të hiqet taksa.

“Taksa duhet me u heq në momentin që Serbia vendos të njoh Pavarësinë e Kosovës së shpallur më 17 shkurt 2008, me kufijtë ekzistues”, ka thënë Haradinaj.

Tutje, Haradinaj thotë se AAK’së më së shumti i konvenon të shkojmë në zgjedhje, nga të gjitha partitë.

Andaj, nuk i frikësohen rrëzimit të Qeverisë nga Partia Demokratike e Kosovës.

“Kryetari i Kuvendit e din që marrëveshja për koalicion na jep përgjegjësi të ndara. Edhe vendimi për taksën ka qenë i përbashkët”, ka thënë Haradinaj tutje.

(Kosova Sot)