Lirohet në burgim shtëpiak personi që shkaktoi aksidentin me kamion në Gjilan

  • 04 prill 2019 - 14:59
Lirohet në burgim shtëpiak personi që shkaktoi aksidentin me kamion në Gjilan

Mustafë Avdija nga Peja, që po voziste kamionin e kompanisë “VEV Group”, më 7 mars kur ndodhi aksidenti tragjik që la një person të vdekur e shumë ë tjerë të lënduar,  iu është ndryshuar masa e arrestit nga paraburgimi në burg shtëpiak

Rastin e kanë konfirmuar për media  në Prokurorinë e Gjilanit duke bërë të ditur se kanë kërkuar nga gjyqtari i rastit që të ndryshohet masa.

Ndërkaq, zëdhënësi i Gjykatës në Gjilan, Sabit Shkodra ka bërë të ditur se vendimi është marrë dje gjatë ditës pas kërkesës së prokurorisë.

“Personit që shkaktoi aksidentin në Gjilan me kamion iu është ndryshuar masa nga paraburgimi për në burg shtëpiak. Kjo ka ndodhur dje gjatë ditës, ndërkaq gjykata ka vendosur që të qëndrojë në burg shtëpiak deri në datën 3 maj”, ka bërë të ditur për media zëdhënësi i Gjykatës së Gjilanit, Sabit Shkodra.

Mustafë Avdija nga Peja po qëndronte në paraburgim që nga 8 marsi pas aksidentit që ndodhi në Gjilan nga ku mbeti i vdekur Qerim Çoçaj.

(Kosova Sot)