Arrestohet konkurrentja e Miss Hitler
Një grua e re e cila tha se është kandidate për Miss Hitler është arrestuar për fotografitë e publikuara përballë një flamuri nazist, njofton policia në Birmingham.
Alice Cutter, 22 vjeçare, e fotografoi veten përballë një flamuri të Gjermanisë naziste, dhe publikisht shprehu mbështetjen për organizatën e ekstremit të djathtë të quajtur Aksioni Kombëtar.
Sipas policisë është arrestuar edhe i fejuari i saj, Mark Jones, 24 vjeçar, i cili gjithashtu në rrejte sociale kishte shprehur simpati për nazistët.
Ai është arrestuar për shkak se kishte publikuar fotografi me përshëndetje naziste.
Përndryshe në Britani ideologjia naziste është e ndaluar, dhe kushdo që shpreh mbështetje ose bën veprime mbështetëse, thyen ligjin.
(Kosova Sot)