Eksperti amerikan akuzon rëndë Pacollin: Për 20 vjet dështuat, korruptuat deri në eshtra…

Profesori dhe eksperti amerikan për politikën dhe çështjet e Ballkanit në Universitetin e Nju Jorkut, Alon Ben-Meir, përmes një postimi në facebook, ka komentuar një shkrim dhënë për Euobserver të Ministrit të Jashtëm të Kosovës, Behgjet Pacolli.

Ai e ka akuzuar rëndë Pacollin duke thënë se ka dështuar edhe ka korruptuar deri në eshtra.

“Ju keni ndërtuar hotele dhe keni fituar tendera publike, ndërsa sot 20 vjet pas luftës, qindra mijëra po largohen nga Kosova, sepse ju dhe udhëheqësit e tjerë dështuat, korruptuat deri në eshtra!”, shkruan ndër tjerash Alon Ben-Meir, përcjellë “Kosova Sot”.

Postimi i plotë i Alon Ben-Meir:

“Ministri i Punëve të Jashtme të Republikës së Kosovës, Behgjet Pacolli shkroi një op-ed se pse Kosova duhet të integrohet në BE dhe se si kosovarët janë të rinj dhe të shkathët.

Është shumë e vërtetë që ju keni popullatën më të re në Evropë. Por unë kam një pyetje për ju Z. Pacolli, çfarë keni bërë ju për vendin tuaj gjatë dy dekadave të kaluara që keni qenë në pushtet?

Ju keni ndërtuar hotele dhe keni fituar tendera publike, ndërsa sot 20 vjet pas luftës, qindra mijëra po largohen nga Kosova, sepse ju dhe udhëheqësit e tjerë dështuat, korruptuat deri në eshtra!

(Kosova Sot)