Zgjedhjet në veri, liberalët serbë presin fitore

  • 10 April 2019 - 20:19
Zgjedhjet në veri, liberalët serbë presin fitore

Partia Liberale Serbe (SLS) thotë se do të bëjë përgatitje të angazhohet në procesin zgjedhor për të fituar

Ditën e nëntëmbëdhjetë majit qytetarët në katër komunat veriore të Kosovës do t’i drejtohen kutive të votimit.

Në këtë proces zgjedhor do të marrë pjesë edhe Partia Liberale Serbe, subjekt ky i pavarur nga direktivat e Beogradit.

Kryetari i kësaj partie, Sllobodan Petroviq, shprehet i sigurt se në këto zgjedhje do ketë dalje masive të qytetarëve serbë.

Më tej, Petroviq shpreson se procesi do të shkojë në rregull për dallim nga hera e fundit.

Tutje, Petroviq thotë se primare për SLS-në mbetet siguria e serbëve në Kosovë.

Ai po ashtu ka thënë se pret të takohet me kryeministrin Ramush Haradinaj, për të biseduar rreth postit të ministrit të Pushtetit Lokal, i mbetur bosh pas shkarkimit të Ivan Todosijeviqit. 

(Kosova Sot)