Djegia e Notre Dame, reagon Fetullah Gulen

Fetullah Gulen ka disa fjalë për djegien e katedrales  Notre Dame në Paris.

Në një deklaratë dërguar mediave, kleriku mysliman ka shprehur pikëllimin për zjarrin që e dëmtoi një thesar si Notre Dame.

“U pikëllova thellë nga zjarri në katedralen Notre Dame, i cili dëmtoi një nga thesaret më të rëndësishëm të botës. 

Katedralja e Notre Dame ka dëshmuar ngjarje të rëndësishme në historinë e Francës dhe ka qenë frymëzimi për veprat artistike të njohura botërore, duke fituar një vend të veçantë në zemrat e popullit të Francës. Dëmi i shkaktuar në këtë ndërtesë është një humbje e madhe për njerëzimin”, tha ai.

Beson se francezët do ta rindërtojnë ndërtesën historike dhe do ta rikthejnë madhështinë e saj.

“Mesazhet e solidaritetit nga pjesë të ndryshme të botës si përgjigje ndaj zjarrit tregojnë thellësitë e ndjeshmërisë sonë njerëzore dhe vëllazërisë. Shpresoj që skenat e inkurajuese, që dolën nga kjo ngjarje tragjike do të përsëriten sa herë që ka humbje të jetës njerëzore, burimeve natyrore dhe thesareve kulturore, pavarësisht se ku ndodh. Qëndrimi së bashku për të ndihmuar në kohët e tragjedisë, kontribuon në frymën e vëllazërisë botërore. 

Unë besoj se njerëzit e Francës do të rindërtojnë këtë ndërtesë historike dhe do ta rikthejnë plotësisht madhështinë e saj. I shpreh ngushëllimet e mia Presidentit francez, Emanuel Macron, kryepeshkopit Michel Aupetit, rektorit Patrick Jacquin, ministrave të katedrales së Notre Dame dhe njerëzve të Francës. Unë ftoj të gjithë që të mbështesin përpjekjet për të rindërtuar këtë Katedrale të bukur”, ka përfunuar ai.

(Kosova Sot)