Zyra ligjore legjitimon votimin, njeriu i Thaçit drejtor i RTK’së

  • 24 April 2019 - 13:42
Zyra ligjore legjitimon votimin, njeriu i Thaçit drejtor i RTK’së

Zyra Ligjore e RTK’së e ka legjitimuar votimin e ndodhur para pak ditësh, përmes të cilit Ngadhnjim Kastrati është zgjedhur drejtor i ri i Radio Televizionit Publik të Kosovës.

Lajmin për Gazetën Express e ka konfirmuar edhe Aferdita Maliqi, kryetare e Bordit të RTK’së.

” Në bazë te interpretimit të zyrës ligjore e cila është konsultuar edhe me ekspertë të çështjeve juridike e kushtetuese bordi ka konstatuar se votimi për drejtor të përgjithshëm është i drejtë dhe Ngadhnjim Kastrati bëhet drejtor i përgjithshëm.”, ka thënë ajo.

Në garë për të partin e RTK’së ka qenë edhe Festim Kabashi i cili njihet për afërsinë me Ramush Haradinajn.

Kastrati në pozitën e drejtorit të RTK’së do ta pasojë Mentor Shalën. 

Kujtojmë se votimi për drejtor të RTK’së kishte dështuar dy herër për shkak të presioneve të ndryshme politike, dhe nëse do të dështonte edhe një herë. konkursi do të duhej të përsëritej.

(Kosova Sot)