Nëna e tre fëmijëve humbi telefonin: Kur e gjetën zbuluan të vërtetën e tmerrshme që e fshihte me vite
Nëna e tre fëmijëve e cila jeton në Gjermani dhe punon si organizatore e evenimenteve të ndryshme, është zbuluar se gjatë gjithë kohës kishte pasur lidhje me ISIS-in dhe kishte rekrutuar dhjetëra gra nga Britania e Madhe.
Deri te ky zbulim erdhi pasi ajo humbi telefonin ku u gjetën fotot familjare, shkruajnë mediat e huaja.
Jeta misterioze e Omaime Abdi u zbulua kur u gjet telefoni të cilin e shfrytëzonte derisa ishte në kalifat. Ky telefon u gjet nga një gazetar arab, shkruan The Sun.
Në atë telefon u gjetën fotografitë nga koha kur Abdi jetonte në Siri, ku ishte e martuar me një nga luftëtarët e ISIS-it.
Kjo 34 vjeçare, e cila gjithashtu punonte edhe si përkthyese në Hamburg, Gjermani, më vonë hoqi mbulesën dhe jetoi një jetë krejt ndryshe. Por e kaluara iu zbulua falë fotove nga telefoni i saj i vjetër.
Abdi që me prejardhje është nga Tunizia u zbulua si figurë kyçe në propagandën online. Në telefon u gjet gjithashtu një numër i nuses së ISIS-it, 18- vjeçares të cilën e rekrutoi nga Londra.
Abdi tani po përballet me akuza për vepra penale në Gjermani për pjesëmarrjen e saj në organizatën terroriste gjersa edhe lidhjet e saj me Britaninë po hetohen.
(Kosova Sot)
