Haradinaj: Serbia duhet ta njohë Kosovën në kufijtë ekzistues

  • 30 April 2019 - 08:28
Haradinaj: Serbia duhet ta njohë Kosovën në kufijtë ekzistues

Pas takimit të Nivelit të Lartë të Ballkanit Perëndimor i thirrur nga Kancelarja gjermane Angela Merkel dhe presidenti i Francës Emmanuel Macron, i cili u mbajt mbrëmë në Berlin, kryeministri i Kosovës, Ramush Haradinaj, ka shpërndarë  në Facebook fjalimin e tij të mbajtur në këtë takim

Haradinaj ka shkruar se ka kërkuar nga Gjermania dhe Franca të vazhdojnë ta mbrojnë të drejtën e Kosovës në shtetësinë dhe integritetin e saj territorial në BE, pasi si shtet i vogël, Kosova nuk ka kapacitete për t’i arritur të gjithë.

“Njohja nënkupton respektimin permanent të kufijve ekzistues. Kufijtë e rishikuar do të mundësonin fillimin e një valë të re të ndarjes etnike dhe ndoshta edhe fillimin e dhunës”, është shprehur Haradinaj.

Haradinaj ka thënë se Serbia duhet ta njohë pavarësinë e Kosovës dhe sovranitetin e saj.

“Njohja është pika fillestare për progres: nuk është pika përfundimtare. Pa njohje reciproke dhe respekt të ndërsjellë nuk mund të ketë progres. Njohja do të nënkuptojë tejkalimin e të gjitha pengesave tjera të progresit. Për shembull, nuk do të ketë nevojë për barriera tregtare, nga asnjëra palë. Njohja nënkupton respektimin permanent të kufijve ekzistues. Kufijtë e rishikuar do të mundësonin fillimin e një valë të re të ndarjes etnike dhe ndoshta edhe fillimin e dhunës”, ka thënë Haradinaj në fjalimin e tij në Berlin.

Ky është fjalimi i plotë i Haradinajt në Berlin:

 

Fjala ime e plotë në takimin e nivelit të lartë të vendeve të Ballkanit Perendimor, thirrur nga Kancelarja Merkel dhe...

Posted by Ramush Haradinaj on Monday, April 29, 2019

(Kosova Sot)