Gafa e zv.ministres së Arsimit bëhet virale: Atë që do korrni, do e mbillni…

  • 01 maj 2019 - 10:43
 Gafa e zv.ministres së Arsimit bëhet virale: Atë që do korrni, do e mbillni…

Zëvendësministrja e Arsimit, Lorena Haxhiu gjatë prezantimit të panairit të ‘Punës dhe Studimit’ ka tentuar të japë një këshillë për të rinjtë, por ajo është ngatërruar me fjalët e saj.

Ish-moderatorja televizive gjatë fjalës së saj ka thënë se: “Është e rëndësishme t’ia nisni me punë sepse atë që ju do të korrni, do të mbillni në të ardhmen”.

Duke qenë qe gafa e saj nuk ka kaluar pa u vënë re, vetë zëvendësministrja e ka kaluar me një buzëqeshje.

Lorena Haxhiu është emëruar në Ministrinë e Arsimit, si zëvendësuese e ministres aktuale, Besa Shahini.

Ajo më parë ka qenë drejtuese në qendrën e të rinjve, ndërsa si eksperiencë pune ka pasur vetëm prezantimin në disa televizione lokale dhe kombëtare.

(Kosova Sot)