Kadri Veseli tha që po shkon në Lubjanë për doktoratë, por Universiteti është në pushim

Universiteti i Lubjanës është sot në pushim, ndërsa kryeparlamentari Kadri Veseli, kur mohoi se do të shkojë në Hagë për t’u intervistuar nga Zyra e Prokurorit të Specializuar, tha se ka shkruar në kryeqytetin slloven për punë të doktoratës.

Prej vitesh, kryeparlamentari Kadri Veseli është kandidat për doktoratë në Universitetin e Lubjanës.

Ai këtë e ka përdorur edhe sot kur media  raportoi se Veseli, përmes Lubjanës, do të udhëtojë në Hagë, ku do të intervistohet nga Tribuinali Special.

Veseli ka thënë se është në kryeqytetin slloven, dhe atje ka shkruar për punën e studimëve të tij në universitet.

Mirëpo, del që universiteti ku Veseli vijon studimet e doktoratës është sot në pushim. 

Në faqen zyrtare të Universitetit të Lubjanës del që ky institucion është në pushim nga 1 deri më 3 maj. Nesër e pasnesër është fundjavë.

Ndërkaq lidhur me udhëtimin misterioz të Veselit ka pasur edhe një prononcim kontradiktor.

Nënkryetari i Kuvendit, Xhavit Haliti kur është pyetur se ku ka shkruar Veseli, ai ka treguar se kryetari i ka thënë se po shkon jashtë vendit për një konferencë.

“Mua më ka thënë që do të shkojë në një konferencë e jo për t’u intervistuar”, tha Haliti. 

Haliti nuk e dinte se për çfarë konference po bëhej fjalë, e as në cilin shtet.

(Kosova Sot Online)