E thotë ish agjenti i SHIK-ut: Prokurorët special dhe gjyqtarët e inkriminuar janë pjesë e mafias...
Njohësi i fushës së sigurisë në Kosovë, Naim Miftari, vendnumërimin e sistemit të drejtësisë dhe nënshtrimin e këtij sistemi ndaj krimit dhe korrupsionit vazhdon ta sheh si pasojë e instalimit në strukturat kyqe drejtuese të njerëzve që kanë lidhje me krimin, prandaj edhe nuk mundë të pritet veprimi i tyre kundër të njëjtit fenomen. Ky infiltrim sipas tij shkon deri edhe në Prokurorinë Speciale.
“Inkriminimi i Prokurorëve Special dhe gjyqtarëve edhe vetë në krimin e organizuar është arsyeja, pse drejtësia e Kosovës po heshtë kur vjen në pyetje thyerja e ligjit, si dhe e korrupsionit, sepse dhe kur krimineli ose oligarku, ose politikani i fuqishëm bënë vepër penale ai nuk ndiqet.
Prandaj edhe dështimi i lëndëve penale apo heshtja e veprave penale, si Pronto afera ose afera e shitjes të KEK-ut, ose afera e sigurisë në KEK apo e Z –Mobile e qindra afera tjera korruptive, tregon qartë se Status QUO-ja me krimin e organizuar nuk është e rastësishme. Nuk është e rastësishme edhe lënia e fajeve dhe dështimit të drejtësisë ligjeve apo neneve ligjore. Edhe kjo është vetëm një justifikim për me ble kohë për dështimin total të sundimit të ligjit në Kosovë”, tha për “Kosova Sot Online” njohësi i fushës së sigurisë Naim Miftari.
Prandaj ai thotë se derisa në Kosovë nuk janë problem i mos sundimit të ligjit, funksionimit të drejtësisë ligjet, problemi është te vetë politika dhe drejtësia e varur ashpërsisht nga politika mafioze. “Askush nuk mundë të arsyetohet se në Kosovë nuk ka drejtësi sepse nuk kemi ligje të mjaftueshme të mira dhe të zbatueshme, apo se ka defekte nëpër disa nene ligjore, problemi është se shtetin dhe politikë e ka kapur mafia dhe nuk lejon zbatimin dhe sundimin e ligjit. Kështu kanë vepruar edhe më herët dhe kështu po veprojnë edhe tani, do të veprojnë edhe në të ardhmen nëse nuk kemi ndryshime rrënjësore në politikën dhe në institucionet e drejtësisë së Kosovës”, tha Miftari për “Kosova Sot Online”.
(Kosova Sot Online )