Sulmohet një hotel, ka të vdekur
Një person i armatosur ka sulmuar një hotel me pesë yje në qytetin Gwadar të Pakistanit, në rajonin Baluchistan, raportojnë mediat botërore.
Personi i armatosur së pari e kishte sulmuar rojën i cili po qëndronte në dyert e hotelit Pearl Continental, e më pas kishte hyrë në hotel ku kishte filluar sulmin, thuhet në deklaratën e ushtrisë pakistaneze, raporton Euronews.
Një zyrtar i ushtrisë i ka thënë Reuters se shumica e mysafirëve janë evakuuar, por mysafirët e katit të parë të hotelit, nuk kishin arritur të evakuohen, ndërkohë që numri i saktë të vdekurve ende nuk dihet.
Në një deklaratë të dërguara për mediat, Ushtria Çlirimtare e Baluchistanit ka marrë përgjegjësi për sulmin.
Kjo ushtri, është një numër vullnetarësh, të cilët kërkojnë më shumë autonomi për provincën e Baluchistanit, e cila gjendet në Pakistan.