Serbia medoemos duhet të bëjë marrëveshje me Kosovën

Lideri Partisë Liberale Demokratike, Çedomir Jovanoviq, konsideron se për tu anëtarësuar Serbia në Bashkimin Evropian e në NATO duhet të arrijë marrëveshje me Kosovën.

Jovanoviq u tha mediave serbe se duhet të ruhet paqja në rajon.

“Nga ana tjetër, me çdo kusht duhet të ruhet paqja në rajon. Kjo do të thotë që t’i ndihmohet Bosnjë e Hercegovinës dhe përpjekjeve të saj për të mbetur unike, t’i zgjidhë problemet e veta dhe të niset drejt BE-së e NATO-s . Serbia duhet t’i zgjidhë problemet me Maqedoninë e Veriut, me Kroacinë dhe Malin e Zi”, ka deklaruar Jovanoviq.

Siç thotë ai, pas ngjarjeve të zhvilluara në Serbi gjatë muajve të fundit dhe zhvillimeve të reja në rajon, nacionalizmi po merr forma dhe protagonistë të rinj.

(Kosova Sot Online)