Deponuan 15 mijë euro fals në bankë, arrestohen një femër dhe një mashkull

  • 15 May 2019 - 17:14
Deponuan 15 mijë euro fals në bankë, arrestohen një femër dhe një mashkull

Policia e Kosovës njofton se ka arrestuar dy persona D. R ( 1991 mashkull) dhe F.Z ( 1996) femër, si të dyshuar se në dy banka kanë deponuar 15 mijë euro para fals.

Të arrestuarit dyshohet se në degën e bankës në Fushë Kosovë kanë deponuar 13 kartëmonedha nga 500 euro, dhe në degën e bankës në Malishevë kanë deponuar 17 kartëmonedha nga 500 euro. Vlera e përgjithshme e parave që dyshohet të jenë të falsifikuara është 15.000 mijë  euro.

Të dyshuarit, janë intervistuar nga hetuesit policorë në prani të avokatëve mbrojtës. Me vendim të prokurorit kompetent i dyshuari D.R. dërgohet në mbajtje për 48 orë, kurse e dyshuara F.Z. lirohet në procedurë të rregullt.

(Kosova Sot Online)