Prokurorja: Brovina thotë se foto është e vitit 2003, nuk e njeh viktimën
Prokurorja e Prokurorisë Speciale, Drita Millaku, ka dhënë detaje nga intervistimi i deputetes së PDK’së mbi fotografinë që e publikoi dje në Kuvend, për të cilën pretendonte se është një vajzë shqiptare duke u dhunuar nga serbët, e për që media kosovare zbuloi se ishte fotografi e një faqeje pornografike.
Millaku ka treguar se e ka intervistuar deputeten dhe se ajo i ka treguar se fotografia është që nga viti 2003.
“Sot është intervistuar zonja Brovina e kam intervistuar unë personalisht. Ajo mes tjerash ka thënë se është nga viti 2003. I ka ardhur përmes disa aktivistëve nga Gjakova. Ka deklaruar se i beson atyre dhe e ka publikuar”, ka thënë Brovina.
“Ka deklaruar se nuk ka pasur njohur se është dashur ta raportojë rastin në prokurori”
“Nuk i kujtohet emri i personit që e ka kontaktu, ndërsa thotë se zarfin ia ka dhënë një aktiviste nga Gjakova, e cila do të intervistohet”, ka thënë Millaku
Prokurorja thotë se i ka përkujtuar deklaratën e djeshme Brovinës në Kuvend, ku ka thënë se ka marrë lejën e familjarëve të viktimës për ta publikuar fotografinë. Për këtë, deputetja e PDK’së i ka thënë Prokurores Millaku se ‘nuk qëndron’.
“Jo nuk e ka kontaktu viktimën”, ka treguar tutje prokurorja.
(Kosova Sot Online)