Protesta e studentëve, reagon ministrja Shahini: Një trishtim, cënim i rëndë i imazhit të Studentit Protestues

  • 22 maj 2019 - 16:58
Protesta e studentëve, reagon ministrja Shahini: Një trishtim, cënim i rëndë i imazhit të Studentit Protestues

Ministrja e Arsimit, Besa Shahini, ka reaguar pas protestës së studentëve para ministrisë.

Në një postim në facebook, ministrja shkruan se protesta ishte një cënim i imazhit të Studentit Protestues, ndërsa shton se ishin një grup individësh partiak që rrëmbyen me dhunë, sipas saj, masën e vogël të studentëve duke e kthyer në sfond dhune.

 

“Ishte një trishtim për mua, por edhe një cënim i rëndë i imazhit të Studentit Protestues, që sot para Ministria e Arsimit, Sportit dhe Rinisë një grusht individësh partiakë e rrëmbyen me dhunë masën e vogël të studentëve duke e kthyer në sfond dhune.

Thanë se do të vinin të kërkojnë cilësi të arsimit të lartë duke protestuar në të njëjtin vend ku protesta e dhjetorit i hapi rrugën #Paktit kuptimplotë për Universitetin. Por thjesht thyen xhamat e institucionit sipas modelit më të keq të politikës opozitare.

Lajmi i mirë është se sot Studenti Protestues nuk ishte aty, por sidoqoftë trishtimi mbetet dhe turpi u mbetet atyre që lanë nam me “protestën” e kthyer në një shfaqje të teatrit të dhunshëm opozitar.

Ndërkohë, ne do të vazhdojmë të mbajmë angazhimet e #PaktitpërUniversitetin, që sot ka sjellë në jetën universitare bibliotekën digjitale, portalin e transparencës, bursat për ekselentët e studentët në nevojë, kantieret për përmirësimin e kushteve nëpër konvikte, zhvillimin e kartës për 110 mijë studentë të universiteteve publike”, shkruan minsitrja.

( Kosova Sot Online )