Badallaj: Loja për Bashkim Kombëtar, pjesë e pazareve për ndarje të Kosovës
Analistët alarmojnë se loja e rrezikshme e Hashim Thaçit, që është hapur së fundi kinse për bashkimin e dy shteteve Shqipëri-Kosovë, është jo serioze. Këtë e thotë edhe analisti politik Reshat Badallaj. Sipas tij, kjo madje është e pa mundur të realizohet nga një njeri që deri para disa ditësh e ka promovuar idenë e korrigjimit të kufijve të Kosovës deri në shkëmbim territoresh me Serbinë.
Është mendim dhe gjykim i Badallajt se edhe kjo ide, kinse e re, nuk dallon nga e para që ishte shkëmbimi i territoreve, vetëm se është e kamufluar me një grimë patriotizëm sa për të mashtruar opinionin e pa informuar sa duhet. Edhe ky propozim I Thaçit, sipas Badallajt, shkon tek qëllimi parë, copitmi i territorit të Kosovës për të shpëtuar vetë nga Specialja.
“Matrapazi i Brojës,çuni i Haxhi shumarit, Hashim Thaçi nuk la gurë e dru pa lëvizur vetëm e vetëm t´i shpëtoj Gjykatës Speciale. Por me të gjitha këta budallallëqe që është duke i bërë , është bërë shume qesharak dhe u bë horë para popullatës së këtushme dhe botës së qytetëruar. Dhe, ky matrapaz asnjërën nuk e bëri në vepër pos asaj vetëm që lehu kudo. Ne fakt, i bëri vendit vetëm dëm e sherre, solli "zajednicën", shiti tokën e Kosovës dhe jo më pak se 8 mijë e ca hektarë, harxhoi buxhetin e vendit deri në themel duke bërë rrush e kumbulla si të ishte malli i Haxhi Brojës”, tha Badallaj për “Kosova Sot Online”.
Për më tepër, sipas Badallajt, ai ka harxhuar pa asnjë kontroll edhe buxhetin e shtetit vetëm për interesa të tija personale, duke paguar njerëzit që të shkruajnë biografi për të që t´ia rrisin namin.
“Nuk mundë të bëjnë bashkim kombëtar këta që i falin tokat e Kosovës dhe nuk e kursejnë buxhetin e shtetit, por shkojnë duke bërë dyzen ahengjesh me kriminelët serbian në hotelet më të shtrenjta të botës, duke shëtitur me udbashët më të tmerrshëm, spiunët e tradhtarët e vendit me tradita të moçme të argatit të Serbisë si soji i Baton Haxhiut, udbashit me librezë zyrtare, këlyshit të Jovica Stanishiqit dhe hajnit që gjatë kohës së luftës vodhi shqiptarët se të mos flasim si hajn shtetëror. Pra vetëm ndaluni dhe shikoni lojërat e pista dhe pazaret tinzare të këtij të pa edukuari se si më herët e hodhi idenë kinse për bashkimin e Luginës, Bujanocin, Preshevën, Medvegjën me Kosovën dhe thoshte pa ia dhënë asnjë centimetër toke Serbisë fashiste. Aq naiv ishte ky shpirt shitur duke menduar se shqiptarët janë thasë me kashtë dhe budallenj se nuk e kuptojnë këtë hile dhe nuk e njohin Serbinë fashiste dhe do na fale neve këto troje që janë të okupuara nga ky gjak serbi”, tha Badallaj për “Kosova Sot Online ”.
Analisti Badallaj është i sigurt që edhe prapa këtij propozimi fshihet plani serbo rus i ndarjes së territorit të Kosovës në favor të Serbisë, dhe asgjë tjetër, veç se të arrihet qëllimi që Hashim Thaçi të fshihet nga lista e Speciales. “Akoma mbetem i këtij mendimi se të gjitha pazaret që bëhen nga grupeve qëllim të vetëm kanë që të shpëtojnë nga Specialja por të jeni të sigurt që ky plan ka për të dështuar”, tha Badallaj për "Kosova Sot Online”.
(Kosova Sot Online )
