Skandalet e Pacollit nuk kanë fund, dikur lavdëronte edhe Bernabiqin
Në shtator të vitit të kaluar, ministri i jashtëm i Kosovës, Behgjet Pacolli, u takua me kryeministren serbe në korridoret e OKB’së në Neë York, dhe u tha gazetarëve “Bërnabiq është një zonjë e respektuar”.
“Bërnabiq është një zonjë e respektuar” – me këto fjalë zv.kryeministri, Behgjet Pacolli e ka komplimentuar Pacolli kryeministren serbe para gazetarëve në korridoret e ndërtesës së OKB-së, në Neë York, në shtator të vitit të kaluar.
Këto lëvdata të Pacollit, për kryeministren serbe, erdhën pas një ‘shtrëngimi duarsh’ në mes tyre.
E gjithë ngjarja kishte nisur kur udhëheqësja serbe ishte duke folur para gazetarëve, kur Pacolli i është afruar për ta përshëndetur. Në ato momente Bërnabiq e ka pyetur Pacollin se ku ka marrë leje për të hyrë brenda ndërtesës së OKB’së, ku Kosova nuk është anëtare.
Pacolli është përgjigjur, duke i thënë: “E kam marrë nga ju”.
Bërnabiq më pas është shprehur me fjalët: ‘Po të pyetesha unë…’. Kësisoj, kryeministrja serbe ka lënë të kuptohet se nuk do t’i jepte leje atij.
Tash, Ana Bërnabiq, “zonja shumë e respektuar” e Pacollit, u tha shqiptarëve se vijnë nga mali.
Bërnabiq, në prani të ambasadorit të BE-së në Serbi, Sem Fabrizi, tha se shqiptarët janë “njerëz që vërtet kanë dalë prej malit”.
Për këto deklarata ajo ka marrë një ndëshkim nga institucionet e Kosovës. MPJ thekson se Bërnabiq nuk do të lejohet të hyjë kurrë në Kosovë.
“Ministria e Jashtme e Kosovës, e udhëhequr nga zëvendëskryeministri Pacolli, në pajtim me marrëveshjen e Brukselit, Kryeministres Serbe Ana Bërnabiq kurrë nuk do t’i lejoj të hyjë në Kosovë për shkak të deklaratave të saj raciste dhe ofenduese ndaj 2 milion qytetarëve të Kosovës”, thuhet në reagimin e MPJ.
Ndryshe, reagime të ashpra ka marrë Bërnabiq nga gjithë liderët e shtetit, për deklaratat fyese ndaj popullit të Kosovës.
(Kosova Sot Online)