Atifeta Jahjaga dhe kongresisti amerikan çmendin Serbinë
Kongresisti amerikan, Tim Burchett, ka thënë se ka biseduar me ish-presidenten e Kosovës, Atifete Jahjaga, për “serbët e ndyrë”.
Kështu nis një artikull i agjencisë serbe të lajmeve B92, për një shkrim në rrjetin social Twitter, në internet, që politikani republikan e ka bërë më 30 prill, e i cili ishte raportuar në mediat kosovare.
B92 thotë, duke cituar gazetën beogradase Blic, se kongresisti republikan ka lëshuar ato që ajo i ka quajtur fyerje skandaloze ndaj serbëve, gjatë një videomesazhi për takimin me Jahjagën, të cilën ai e ka lavdëruar.
“Zhvillova një bisedë të mirë me ish-presidenten e Kosovës për krimet e luftës të kryera nga serbët e ndyrë dhe askush nuk është i gatshëm t’i dënojë ata”, ka thënë kongresisti.
“Ajo (Jahjaga) më tregoi krimet e luftës, në veçanti dhunën seksuale dhe është me të vërtetë e tmerrshme. Të gjithë po punojnë për t’i vënë para gjyqit ata. Ata s’kanë zot. Shpresoj të ketë më shumë presion mbi ta”, ka deklaruar më tej ai.
I had a great conversation with the former President of Kosovo about war crimes carried out by DIRTBAG Serbians and no one willing to punish them. pic.twitter.com/KzrXr02zTs
— Tim Burchett (@timburchett) April 30, 2019
(Kosova Sot Online)