Paralajmërimi i rëndë: Hashim Thaçi është në panik, ky është plani i tij
Presidenti i Kosovës, Hashim Thaçi, pasi dështoi me idenë e tij për ‘korrigjim kufijsh’ mes Kosovës dhe Serbisë, ka filluar që të flas për bashkimin e Kosovës me Shqipërinë. E kjo ide e Thaçit ka marr kritika nga diplomatët ndërkombëtar dhe mediet e huaja. Sipas analistëve politikë, Thaçi është në panik nga rreziku i dështimit të planit të tij me Vuqiqin për ndarjen e Kosovës dhe për këtë arsye po flet për bashkimin e Kosovës me Shqipërinë.
“Hashim Thaçi është në panik dhe si i tillë, është kthyer në një aventurier të rrezikshëm për shtetin e Kosovës dhe çështjen shqiptare në përgjithësi. Fillimisht, duke mohuar pjesë të territorit të vet, komunat me shumicë serbe, duke i quajtur toka të Rankoviçit, më pas duke tentuar t'i lëkundë kufijtë e sovranitetin e Kosovës, e krejt në fund, duke nxjerrë hapur kartën e Shqipërisë Etnike, presidenti Thaçi tenton t'i realizojë me çdo kusht synimet serbe në Kosovë”, tha analisti Ramiz Bojaj për “Kosova Sot Online”.
Sipas tij, të gjitha këto iniciativa e lojëra me kombin pa asnjë veprim praktik paraprak, pa asnjë program e strategji, e kanë kthyer vendin dhe çështjen kombëtare në një lojë ditore të një grupi mafiozësh, i cili nuk njeh rregull as princip në politikë bërje.
“Me të drejtë gazeta NZZ, shtron pyetjen: Si bëhet këto ndryshime, me shkop magjik, apo me magji gënjeshtrash! Edhe këmbimi i territoreve mes Kosovës dhe Serbisë sipas planit serb të Vuçiqit, të proklamuar nga presidenti ynë si plan i tij, ishte bazuar pikërisht në modelin mafioz, konspirativ e krejtësisht anti shqiptar”, theksoi Bojaj për “Kosova Sot Online”.
Sipas Bojajt, ky ishte plan i mbetur përgjysmë nga Sllobodan Millosheviqi, por qe tashmë po merrte formë nga pasardhësit e tij, Aleksandër Vuçiq, Ivica Daciq, i ndihmuar nga kryeministri i Shqipërisë, Edi Rama, por i përkrahur më të gjitha forcat në dispozicion edhe nga Hashim Thaçi.
“Këta janë vetëm heronjtë e ri të Serbisë së madhe, të cilët ranë në ujdi të shkatërrojnë çështjen shqiptare, të copëtojnë Kosovën e të krijojnë Serbinë e madhe, e cila në fund do të përjashtonte copat e mbetura shqiptare, për ta 'kurorëzuar' në fund mafiozët shqiptarë, si "Shqipëri Etnike". Duket se dështimi i Hashim Thaçit për krijimin e Republika Srpska-s, përmes Asociacionit të komunave serbe, dhe këmbimi i territoreve të arritura në këtë rang, të cilat nuk kanë gjetur mbështetje të duhur, as vendase e as ndërkombëtare, e kanë quar Hashimin tonë në ngritjen e një aventure të re, lojë me kombin”, tha analisti Bojaj për “Kosova Sot Online”.
(Kosova Sot Online)
