Djali i Nuredin Lushtakut e godet një këmbësor, viktima në QKUK
Media mëson nga burimet e saj se djali i nënkryetarit të Skenderajt, Nuredin Lushtaku, i moshës së mitur, e ka goditur një këmbësor. Ai është sjell nga qendra e mjekësisë familjare në QKUK.
Se ky aksident ka ndodhur e ka konfirmuar edhe Policia Rajonale në Mitrovicës.
“Sot me datën 07.06.2019 rreth orës 10:40, ne rrugën “18 Qershori” Skenderaj ka qenë një aksident trafiku me lëndime. Te involvuar ka qenë një motoçiklist dhe një këmbësor”, kanë thënë nga Policia.
Këmbësori i goditur është jashtë rrezikut për jetë, mirëpo është dashur që të sillet në QKUK për tretman.
“Viktima (këmbësori) ndihmën e parë e ka marrë në QKMF -Skenderaj, ku për tretman të mëtutjeshëm është dërguar në QKUK, dhe është jashtë rreziku për jetë”.
Në njoftim nuk thuhet asgjë për personin që e ka goditur këmbësorin.
Ndryshe burimet kanë thënë se djali i Lushtakut është rreth 15 vjeçar.
(Kosova Sot Online)
