SHBA-ja fillon tërheqjen e aeroplanëve F-35 nga Turqia për shkak të marrëveshjes me Rusinë
Shtetet e Bashkuara të Amerikës këtë të premte kanë filluar tërheqjen e aeroplanëve ushtarakë F-35 nga Turqia, për shkak se kjo e fundit kishte bërë marrëveshje me Rusinë për blerjen e sistemit raketorë mbrojtës.
Sekretari Amerikan i Mbrojtjes, Patric Shanhan i dërgoi një letër homologut të tij të premten, duke i treguar se tashmë kanë filluar hapat për largimin e Turqisë nga programi amerikan, deri në kohën kur kjo e e fundit ta ndryshojë qasjen.
Gjithashtu, agjencia e lajmeve Reuters, njofton se SHBA-ja ka vendosur që të mos trajnojë më asnjë pilot turk, si shenja e parë konkrete për mosmarrëveshjet mes Uashingtonit dhe Ankarasë, transmeton Gazeta Express.
SHBA-ja thotë se Turqia me blerjen e sistemit mbrojtës rus, S-400 ka kërcënuar aeroplanët luftarak F-35, të cilat vetë Turqia planifikonte t’i blinte. SHBA-ja shtoi se Turqia nuk mund t’i ketë të dyja.
Personeli ushtarak turk, i cili gjendet për trajnim në SHBA, do ta mbarojnë trajnimin e tyre gjatë muajit korrik, e më pastaj nuk do të ketë trajnim tjetër për ushtarët e pilotët turq.
Në letrën e tij, Shanahan gjithashtu paralajmëroi Ankaranë se një marrëveshje me Moskën e rrezikon lidhjen e Turqisë me NATO-n, duke e dëmtuar kështu edhe ekonominë turke, duke e dërguar atë drejtë një varësie ndaj Rusisë.
Lira turke, gjatë ditës së premte ka rënë për 1.5%. E kjo rënie, është vazhdueshmëri e dëmtimit të lirës turke, në krahasim me valutave tjera.
(Kosova Sot Online)
