Bregu: Liberalizimi i vizave për Kosovën duhet të ndodhë një orë e më parë

  • 13 June 2019 - 10:55
Bregu: Liberalizimi i vizave për Kosovën duhet të ndodhë një orë e më parë

Sekretarja e Këshillit për Bashkëpunim Rajonal, Majlinda Bregu, ka realizuar një intervistë në të cilën ka folur edhe për situatën politike në Shqipëri dhe Kosovë.

Duke folur për Kosovën, sekretarja e RCC-së Majlinda Bregu, ka thënë se liberalizimi i vizave për Kosovën duhet të ndodhë një orë e më parë. 

Madje, ajo ka shtuar se lëvizja e lirë për qytetarët e Ballkanit nuk është më një luks por një e drejtë të cilën e kanë merituar qysh moti. 

“Kjo është një e drejtë që qytetarët e Kosovës e meritojnë. Lëvizja e lirë nuk është luks për asnjë nga vendet e rajonit më. NUk them sa e mundshme është në situatën reale, por them se procesi i liberalizimit të vizave për qytetarët e Kosovës duhet të ndodhë një orë e më parë”, ka thënë Bregu.

Për të dëgjuar deklaratën e plotë për liberalizimin e vizave për Kosovën, dëgjoni intervistën në minutën e 38-të.

(Kosova Sot Online)