Gjakova dhe Prizreni testojnë sot maturantët
Sot nxënësit e rajonit të Gjakovës dhe Prizrenit do t’i nënshtrohen pjesës së parë të testit të maturës. Pjesa e parë e këtij testi përbëhet nga pyetje nga lëndët gjuhë shqipe dhe gjuhë angleze.
Ministria e Arsimit ka paralajmëruar masa ndëshkimi për të gjithë maturantët dhe administratorët e testit nëse zihen duke kopjuar ose shkelur rregulloren.
Vetëm gjatë ditës së djeshme në regjionin Ferizajt dhe Gjilanit për shkak të posedimit dhe përdorimit të telefonave dhe mospërfilljes së rregullave tjera të këtij procesi, janë përjashtuar nga procesi 53 nxënës, të cilët do ta humbin këtë afat të testimit.
Mbi 28 mijë nxënës nga e gjithë Kosova i nënshtrohen testit të maturës sivjet.
(Kosova Sot Online )