Mogherini drejt fundit, ja 5 emrat e mundshëm për kryenegociator

  • 15 June 2019 - 13:53
Mogherini drejt fundit, ja 5 emrat e mundshëm për kryenegociator

Federica Mogherini është duke numëruar ditët e fundit në postin kryenegociatores së dialogut ndërmjet Kosovës dhe Serbisë.

Nën kryesimin e saj, dialogu ndërmjet Kosovës dhe Serbisë është future në një qorroskak, ndërkohë pritet që emri i ri që do ta pasojë Mogherinin në vjeshtë do ta rikthejë në jetë dialogun mes Prishtinës dhe Beogradit.

Siç shkruam gazeta serbe ‘blic.rs’, bazuar në burime diplomatike, në lojë për të marrë postin e Përfaqësuesit të Lartë të BE-së dhe të kryenegociatorit për dialogun ndërmjet Kosovës dhe Serbisë janë pesë persona.

Partia Popullore Evropian llogaritë jashtëzakonisht shumë në emrin e Andrej Plenkovic i cili është edhe kryeministër i Kroacisë.

Përveç Plenkoviç një emër tjetër që përfolët se mund të zë vendin e Mogherinit, është politikani francez, Michel Barnier, i cili ka qenë negociator ndërmjet Britanisë së Madhe dhe BE-së, për Brexit. 

Emri i tretë është ai i Frans Timermans, politikani holandez i cili ka shërbyer në postin e zëvëndësit të partë të presidentit të Komisionit Evropian.

Pas Timermans, në garë për të marrë postin e kryenegociatores është diplomatja gjermane, Helga Schmidt. Schmidt ka qenë Sekretare Gjenerale e EEAS ( European Uninon for External Actions). Schmidt në Bruksel punon që nga viti 2006.

I fundit emër që përflitet se mund të merr rolin e Mogherinit, është ministri i Jashtëm i Sllovakisë, Miroslav Lajcak.

Mbetet të shihet se kush do të zgjidhet, pasi që Merkel dhe Macron kanë pasur mospajtime rreth emrit të ri që duhet të merr kryesimin e Komisionit Evropian, ndërkohë pritet që kjo dyshe Francë-Gjermani të vendosin për emrin e ri që do të drejtojë KE-në.

(Kosova Sot Online)