Pasagjeri shqiptar rrëfen tmerrin që e përjetoi brenda aeroplanit: Rripi i sigurisë u këput dhe...

Të dielën 121 pasagjerë në aeroplanin e kompanisë ALK përjetuan horror nga turbulencat – e një prej tyre është edhe Idriz Brahimi, i cili ka pësuar një shkundje në tru, shkruan 20min.ch.

Ishte koha kur Idriz Brahimi dëshironte të hante jogurtin. Ai kishte pasur shumë takime gjatë ditës në Prishtinë dhe nuk kishte arritur fare që të ushqehet. Teksa u ul në aeroplan i cili do ta sillte atë në Bazel, ai i gëzohej dy orëve të qeta.

Por, kështu nuk ndodhi. Rreth 30 minuta pas ngritjes në qiell, aeroplani luftoi me turbulenca të ndryshme dhe humbi shumë në lartësi. 51 vjeçarit i këputet rripi dhe përplaset në tavan me kokë.  Dhe për atë që ndodhi në vazhdim, Behrami nuk arrin të kujtohet.

“Besoj se për një moment isha pa vetdije”, u shpreh Behrami.

Britma nga fëmijë, gra dhe burra, ashtu sikurse jogurti që qëndron në dysheme janë e gjitha që i kujtohen Idriz Brahimit nga minutat kaotike. Shkundjen në tru dhe gjakderdhjen nga koka e tij, ai e kuptoi më vonë.

Gjithë mbrëmjen Brahimi është dashur që ta kalojë në një spital të Baselit. 

“Mjeku më tha se ka mundur të jetë edhe më keq”, thotë Brahimi i brengosur, duke shtuar se ishte i lidhur me rrip i cili në një moment iu këput, që sipas tij nuk është dashur që të ndodhë.

Për këto pohime të Brahimit sipas portalit 20 Minuten, nuk ka pasur ende asnjë deklaratë nga kompania përgjegjëse për këtë fluturim. 

(Kosova Sot Online)