Hahn: Nëse BE s’i hapë negociatat me Maqedoninë, çon sinjal të keq te Kosova e Serbia

  • 17 June 2019 - 14:43
Hahn: Nëse BE s’i hapë negociatat me Maqedoninë, çon sinjal të keq te Kosova e Serbia

Eurokomisionari për Zgjerim dhe Politika të Fqinjësisë, Johannes Hahn u kërkoi vendeve anëtare të BE të fillojnë sa më shpejt negociatat me Maqedoninë e Veriut.

“Unë vetëm mund të përsëris se bisedimet duhet të hapen sa më shpejt që të jetë e mundur, sepse ata bënë gjithçka dhe ky nuk është një sinjal vetëm për Maqedoninë e Veriut, por për të gjithë rajonin”, tha ai në prag të takimit të Këshillit për Punë të Jashtme të BE-së në Luksemburg.

Sipas tij, vonesat në fillimin e negociatave mund të ndikojë në dialogun midis Beogradit dhe Prishtinës.

“Nëse i rihapim bisedimet me Serbinë dhe Kosovën,” vazhdoi Hahn, “ata duhet të shohin se investimi në gjetjen e kompromiseve politike është dhënë; përndryshe ata do të humbasin motivimin”. 

“Është e rëndësishme që njerëzit të kuptojnë sa ka rëndësi t’i japin një sinjal një vendi në interes të të gjithë rajonit”.

Siç është raportuar më parë, projekt konkluzionet e BE-së kanë caktuar shtatorin e këtij viti si një datë për të hapur negociatat me Shqipërinë dhe Maqedoninë e Veriut, por sipas Hahn, kjo nuk është mjaft e shpejtë.

(Kosova Sot Online)