Dalin detajet e reja: Ja si e vrau miku - dhëndrin pas krahëve për një turrë bar

  • 19 qershor 2019 - 15:45
Dalin detajet e reja: Ja si e vrau miku - dhëndrin pas krahëve për një turrë bar

Një vrasje me armë zjarri tronditi mëngjesin e sotëm qytetin e Lezhës. Tonin Gjini qëlloi me kallashnikov Gjin Markun, kryeplaku i këtij fshati dhe mik i familjes.

Shkak për këtë vrasje dyshohet se është bërë një konflikt për motive të dobëta mes viktimës, Gjin Marku dhe autorit Tonin Gjini, i cili ishte dhëndër i familjes së viktimës. 

Nga hetimet e policisë thuhet se ngjarja ka ndodhur pas një konflikti ku autori i kishte kërkuar mikut të tij që t’i jepte barin që kishte korrur, por kjo nuk është pranuar nga viktima.

Në momentin kur ka parë 64-vjeçarin që po mblidhte barin dhe po e ngarkonte në kamionçinën e tij, autori ka marrë armën dhe ka qëlluar në drejtim të mikut të tij duke e lënë të vdekur në vend. 

Tashmë i arrestuari do të përballet me akuzat e ‘vrasjes me paramendim’ si dhe mbajtja e armëve pa leje’.

(Kosova Sot Online)